Thursday, January 17, 2013

അമ്മേ മടങ്ങട്ടെ

























അമ്മേ മടങ്ങട്ടെ ഞാൻ....
ഒരിയ്ക്കൽകൂടി നിൻ ഗർഭപാ(തത്തി-
ന്നുള്ളറയിലേക്ക്.....
ഒന്നുറങ്ങണമെനിക്ക്
കൺകളടച്ച് ചുരുണ്ടുകൂടിക്കിടന്ന്.........
എല്ലാം മറന്നൊന്നുറങ്ങണം......

ശാപവാക്കുകൾ ശകാരവർഷങ്ങൾ.....
പുച്ഛങ്ങൾ പരിഹാസങ്ങൾ....
കാതടപ്പിക്കുന്നൊച്ചകൾ.......
ചോരചിന്തുന്ന കാഴ്ച്ചകൾ....
എല്ലാം മറന്നൊന്നുറങ്ങണം....

ഈ മരുഭൂവിൽ ഇനി വയ്യ
വിഷം കുടിച്ച്.....
വിഷം കഴിച്ച്......
വിഷം ശ്വസിച്ച്......
ചത്തിട്ടും ചാകാതെ....
ജന്മജന്മാന്തരങ്ങളിലെ വിഴുപ്പേന്തി.....
തലയിൽ പേനരിച്ച്.....
ഉറക്കമില്ലാതിനിയും എ(തനാൾ.....

അമ്മേ...ഇനി വയ്യ.....
കാൽകൾ തളരുന്നു കൈവിറയ്ക്കുന്നു....
മിഴികൾ തളരുന്നു.....
എല്ലാം മറന്നൊന്നുറങ്ങണം.....

ഇവിടെയീ തൊട്ടിലിൻ കുളിർമയിൽ....
നിൻനെഞ്ചിടിപ്പിൻ താരാട്ടിൽ......
നിൻ ജീവശ്വാസത്തിലലിഞ്ഞ്.......
എല്ലാം മറന്നൊന്നുറങ്ങട്ടെ......
കൺകളടച്ച്...ചുരുണ്ടുകൂടിക്കിടന്ന്......
ഒരിയ്ക്കൽകൂടി......






1 comment:

  1. അമ്മേ മടങ്ങട്ടെ .........,
    ശ്രീക്കുട്ടി കവിത നന്നായിരുന്നു

    ReplyDelete