Wednesday, January 2, 2013

അടഞ്ഞ ജാലകം














കൊതിയാണിപ്പോഴും
ഈ ജാലകമൊന്നു തുറന്നിടാൻ
ഇതിന്നപ്പുറം ഒരു മരമുണ്ട്
അതിലൊരു കൊച്ചു കിളിക്കൂടുണ്ട്
വെറുതെ ചിലയ്ക്കുന്ന
കുറേ കിളികളുണ്ട്
ഇറയത്തുനിന്നും ഇറ്റുവീണ
മഴവെള്ളമുണ്ടാക്കിയൊരു ചാലുണ്ട്
അതിൽ വെറുതെയൊഴുകി-
നടക്കുന്നൊരു കളിവള്ളമുണ്ട്
ഒരു താളിലക്കുമ്പിളിൽ
ഉരുണ്ടു കൂടുന്ന കുഞ്ഞുമുത്തുകളുണ്ട്
പിന്നെ വെറുതെ പാടുന്നൊരു കുയിലുണ്ട്
വെറുതെ പെയ്യുന്നൊരു മഴയുണ്ട്
ഇതിലെല്ലാമലിഞ്ഞെൻറെ ബാല്യമുണ്ട്
അതിലെവിടെയോ ഈ ഞാനുമുണ്ട്




No comments:

Post a Comment