സ്വപ്നത്തിൻറെ മഴനൂൽപ്പാലത്തിൽവെച്ച്
കണ്ടുമുട്ടി ഇന്നലെ നമ്മൾ വീണ്ടും.....
ഓറഞ്ച് പൂക്കൾ ഇതൾ വിരിച്ച
പാതയോരത്തുകൂടി കൈകോർത്തുപിടിച്ച്,
(പണയത്തിൻറെ ഈറൻ വയലറ്റ് പൂക്കൾ
തേടി ഇരുവരും ഒരുമിച്ചു നടന്നു........
നിൻറെ കൈകൾക്ക് ഡിസംബറിലെ
മഞ്ഞിൻറെ തണുപ്പായിരുന്നു.....
കണ്ണുകൾക്ക് ആകാശത്തിൻറെ നീലിമയും
മൊഴികൾക്ക് മഴത്തുള്ളിക്കിലുക്കവും.....
നീ എന്നോട് എന്തൊക്കെയോ സംസാരിച്ചു.....
നമ്മുടെ പൊട്ടിച്ചിരികൾക്ക്
നക്ഷ(തങ്ങൾ സാക്ഷികളായി.....
മഴവില്ലു പൂക്കുന്ന വളകളിട്ട കൈകളാൽ
ഒരു തലവെട്ടിപ്പൂ നുള്ളിയെടുത്ത്
നീയെനിക്കു സമ്മാനിച്ചപ്പോൾ
തീർത്തും അജ്ഞാതരായ ചില
മാലാഖമാർ നമുക്കു ചുറ്റും
കാവൽനിന്നു.......
സ്വപ്നത്തിൻറെ അവസാന കണികയും അലിഞ്ഞില്ലാതാകും വരെ
നിൻറെ തണുത്ത വിരൽസ്പർശം എന്നിലേക്ക് ഒഴുകിക്കൊണ്ടേയിരുന്നതു
ഞാനറിഞ്ഞു.........
No comments:
Post a Comment