Black-headed oriole

Wood pecker

Centipede

Bee eater

Snail

Peacock

Butterfly clicks!!!

ഹൈകു

 

 

ചോരപൊടിയുന്ന
മുള്ളുകൊള്ളിച്ചകളിൽ
പിടഞ്ഞു തീരുന്ന
പെണ്ണും (പകൃതിയും

നിൻറെ ഏകാന്തതയുടെ
താഴ്വരയിലെങ്ങോ
ഒരു ചീവീടായ് ഞാൻ

കടംതരൂ കുരുവീ
നിന്നിളം ചിറകുകൾ നിമിഷനേരത്തേക്ക് നിന്നാകാശവും

ഓർമ്മച്ചിന്ത്

ഒരു കുടക്കീഴിൽ
പാതി നനഞ്ഞ് പാതി നനയാതെ..... നടന്നു നീങ്ങിയ വഴികൾ..... മരങ്ങൾ.....പുഴകൾ....പൂക്കൾ.... വാൻഘോഗിൻറെ സൂര്യകാന്തികൾ...... സച്ചിദാനന്ദൻറെ കവിതകൾ...... പറയാതെ പറഞ്ഞ (പണയം ഒരു ചെമ്പകപ്പൂ...... ഒരു മഞ്ചാടിക്കുരു..... മാനംകാണാതെ കാത്തുവെച്ച മയിൽപ്പീലിത്തുണ്ടുകൾ.... ചിതലരിക്കുന്നോർമ്മകൾ.... ഒന്നും അറിയാതെ ഞാനും നീയ്യും......

ചിപ്പിയുടെ ആത്മഗതം

ഒരു മുള്ളായ് നീയെന്നെ
വേദനിപ്പിച്ചപ്പോഴൊക്കെയും
സ്നേഹംകൊണ്ടു പുണർന്നു 
പുണർന്നൊരു
മുത്താക്കി മാറ്റി നിന്നെ....

കരഞ്ഞാൽ കണ്ണീരിലൂടെ നീ
ഒലിച്ചു പോയെങ്കിലോ
എന്നു കരുതി കരയാതെ, 
ഉറഞ്ഞു കൂടിയ മിഴിനീർതുള്ളിയിൽ
ഞാൻ നിന്നെ കാത്തുവെച്ചു..... 

ഇനിയെന്നാത്മാവു തുരന്ന് നാളെയവർ 
നിന്നെ കൈക്കലാക്കും....
പിന്നെ നീ മറ്റൊരു വെർമീറിൻറെ
മുത്തുക്കമ്മലിട്ട പെൺകുട്ടിയായ്....
ഞാനോ വെറും പുറംതോടായ്
(ദവിച്ചുപോകും വരെ
ഇവിടെയിങ്ങനെ....

എങ്കിലുമെന്നാത്മാവൊരു നക്ഷ(തമായ്
നിന്നെ നോക്കി പുഞ്ചിരിക്കും....
വേർപാടിൻറെ വേദനയിൽ
നീയപ്പോഴൊരു നീർത്തുള്ളിയായ്
പൊഴിയാൻ കൊതിക്കും
എൻ ഹൃദയത്തിലേക്ക്......
അപ്പോൾ മാ(തം ഞാനറിയും
സ്നേഹം വെറുമൊരു
മുള്ളുകൊള്ളിച്ചയെന്ന്....